Зориулалт 

• Аваарын үеийн сэлгэн самбар буюу ЩАП нь цахилгаан сүлжээний хэвийн хүчдэл алдагдах /1, 2, 3 фаз унтарсан, хүчдэл 70 хувиас дээш буурсан/ үед эрчим хүчийг нөөц тэжээлийн эх үүсвэрт автоматаар шилжүүлж, буцааж асаах зориулалттай.  Мөн сүлжээний хүчдэлийн өөрчлөлтөд мэдрэмтгий байдлыг 30 хувь багасгаж,   нөөц цахилгаан үүсвэрийг  асаахад 10 секунд хүртэл саатах хугацааг тохируулах боломжийг олгодог. 

Хэрэглээ 

• Аваарын үеийн сэлгэн самбар буюу ЩАП-ыг цахилгаан хангамжийн найдвартай байдлыг хангахын тулд ашигладаг. Аж ахуйн нэгж, аж үйлдвэрийн салбар, харилцаа холбооны газар, тээврийн хэрэгслийн системд өргөн хэрэглэдэг.  ЩАП нь хананд суурилуулж болдог хайрцаг. Дээрээс болон доороос кабель утас оруулах боломжтой загвартай.  ЩАП 23, ЩАП 33, ЩАП 43, ЩАП-63 самбарт удирдлагын реле суурилуулж өгсөн бөгөөд тэр нь гурван фазын хүчдэлийн систем дэх зөвшөөрөгдөх хүчдэлийн түвшин ба фазын дарааллыг хянах зориулалттай. Мөн фазын эвдрэлээс ч хамгаалах үүрэгтэй юм.  Релег 0.1-10 секундын хооронд тохируулж өгч болно. 

Автомат сэлгэн самбарын үүрэг 

• Үндсэн тэжээлийн эх үүсвэрийн хэлхээнд хүчдэл байгаа эсэхийг тогтмол хянах.
• Үндсэн тэжээлийн эх үүсвэрийн фазын дарааллыг тогтмол хянах.
• Нөөц тэжээлийн эх үүсвэрийг холбох замаар  хэвийн эрчим хүчний хангамжийг автоматаар сэргээх.
• Үндсэн эрчим хүчний эх үүсвэрийг сэргээсний дараа хэрэглэгчийн цахилгаан байгууламжийн яаралтай цахилгаан хангамжийн хэлхээг автоматаар сэргээх ажлыг хангах.
• Богино холбоо үүсэх болон ба хэт ачааллын үед  холболтын тоноглол /пантограф/-ыг хамгаалах. 

Автомат сэлгэн залгах самбаруудын техникийн үзүүлэлт 

• Үндсэн хэлхээний хэвийн хүчдэл: ~ 380 В
• Хэвийн гүйдэл-10-250 ампер 
• Давтамж: 50 Гц
• Хяналтын хэлхээний хэвийн хүчдэл~ 220 В
• Хамгаалалтын зэрэг: IP31 болон IP54